હિન્દી મીડિયમ (Trailer Reactions)

Trailer Link:
irrfan-khan-7592પહેલાં તો આ ફિલ્મમાં ‘હિન્દી’ને બદલે ‘ગુજરાતી’ મૂકીને આખી ફિલ્મ એઝ ઇટ ઇઝ રિલીઝ કરાઈ હોત તો પણ એટલી જ રિલેટેબલ બની રહેત! માય ગૉડ, ઇંગ્લિશ મીડિયમના ક્રેઝનો આટલો બધો રિલેવન્ટ સબ્જેક્ટ આપણી ભાંખોડિયાં ભરતી ગુજરાતી ફિલ્મ ઇન્ડસ્ટ્રીમાં કોઇને કેમ સૂઝ્યો નહીં હોય? (પાંચ-છ વર્ષ પહેલાં જન્મેલાં બાળકો અત્યારે પહેલા-બીજા ધોરણમાં આવી ગયાં હશે, પણ આપણી ઇન્ડસ્ટ્રી હજી સો કૉલ્ડ ‘ભાંખોડિયાં’ જ ભરે છે, બોલો!)
આપણે ત્યાં માત્ર ભણતરનું માધ્યમ જ નહીં, કપડાં, સાઇકલ-કાર, ઘર, કરિયર ચોઇસ, મોજ-શોખ, ટ્રાવેલ, લગ્ન- હનીમૂન બધું જ જરૂરિયાત, આનંદ કે સંતોષ નહીં, બલકે સ્ટેટસ સાથે જ જોડી દેવામાં આવે છે. આપણા આ દંભ પર ચાબખા મારતો ‘હિન્દી મીડિયમ’નો આ સબ્જેક્ટ મસ્ત સટાયરનો મસાલો ધરાવે છે. મસ્ત પોટેન્શિયલ હોવા છતાં સાકેત ચૌધરીની ‘શાદી કે સાઇડ ઇફેક્ટ્સ’ સેક્સિસ્ટ કોમેડી બની ગયેલી. જોકે ‘હિન્દી મીડિયમ’નું ટ્રેલર ઇરફાને નરેટ કર્યું છે અને દીકરીને ઇંગ્લિશ મીડિયમમાં મૂકવાનો દુરાગ્રહ એની મમ્મીનો છે એટલે આ ફિલ્મ પણ મૂળ મુદ્દો ચૂકીને સેક્સિઝમમાં ન ઘૂસી જાય તો સારું! અફ કોર્સ, ઇરફાન છે એટલે પોતાના સુપર્બ કોમિક ટાઇમિંગથી એક છેડો તો એ સાચવી રાખવાનો જ છે. પાકિસ્તાની એક્ટર સબા કમર જબરદસ્ત કોન્ફિડન્ટ દેખાઈ રહી છે {હાઈલા, પાકિસ્તાની?! જાગો, (અલ્ટ્રા) દેશપ્રેમીઓ જાગો!}. ઇરફાન-સબાની ક્યુટ ટેણી અત્યારે ટેલિવિઝન પર મમ્મી ટિસ્કા ચોપરાને ‘સિર્ફ તીસ રૂપયે, મમ્મા’ કહીને હેરડાઈ વેચતી દેખાય છે.
ટ્રેલરના પહેલા સીનમાં ખબર પડે છે કે દીકરીને ઇંગ્લિશ મીડિયમ સ્કૂલમાં સ્કૂલમાં એડમિશન લેવડાવતાં પહેલાં મમ્મી-પપ્પા પોતાના ઇંગ્લિશના કોઈ ખાંટુ પ્રોફેસર પાસેથી દીકરી વિશે ઇંગ્લિશમાં બોલવાની ટ્રેનિંગ લઈ રહ્યા છે (જોકે છાંટવાળું ફ્લુઅન્ટ ઇંગ્લિશ માત્ર ગોરી ચમડીવાળા વિદેશીઓ જ બોલી શકે એવો ક્લિશે દેખાઈ રહ્યો છે). મોટાભાગની સ્ટોરી તો ઇઝિલી પ્રીડિક્ટ કરી શકાય તેવી છેઃ દીકરીને ઇંગ્લિશ મીડિયમમાં ઍડમિશન અપાવવા મિડલક્લાસ મમ્મી-પપ્પા પહેલાં ફર્નિચર-ગાડી-કપડાં (મોસ્ટ્લી ભાડે લઇને) બદલે. ગુરુદ્વારાથી લઇને મસ્જિદ-ચર્ચમાં જઇને દીકરીનું ઍડમિશન ‘હાઈફાઈ સ્કૂલ’માં થઈ જાય તે માટે દુવાઓ પણ માગે. પરંતુ એમાં એડમિશન ન મળે એટલે ગરીબ ક્વોટામાં ઘૂસવા માટે ગરીબની લાઇફસ્ટાઇલ અપનાવે. ત્યાં ગરીબો વિશેની સ્ટેન્ડઅપ કોમેડી અને એમની સ્થિતિ પર સટાયર કરવા દીપક ડોબ્રિયાલની એન્ટ્રી થાય. પરંતુ ત્યાં જ રહીને આ કપલને રિયલાઇઝ થાય કે લાઇફ કોઈ મીડિયમ કે સ્ટેટસની મોહતાજ નથી. ગરીબ બસ્તીમાં રહીને એમને પાણી ભરવાથી લઇને બસ-ટ્રેનમાં મુસાફરી કરવા સુધીની ડેઇલી સ્ટ્રગલનો પણ અહેસાસ થાય. નોર્મલ નોન-હાઈફાઈ સ્કૂલો પણ આપણે ધારીએ છીએ એટલી ખરાબ નથી એવો પણ અહેસાસ થાય અને બની શકે કે ઇરફાન દેશનાં ઇંગ્લિશ મીડિયમ ઘેલાં પેરેન્ટ્સજોગ એક લાંબો ઉપદેશાત્મક મોનોલોગ પણ આપે. પરંતુ આ ફિલ્મનો એન્ડ શું લાવે છે તે જાણવું રસપ્રદ થશે. આમાં કેન્દ્ર સરકારની કોઈ નીતિ ડોકિયું કરે છે કે કેમ તેની પણ ઇન્તેજારી રહેશે. આઈ હોપ કે ફિલ્મ માત્ર હસાવીને છટકી જવાને બદલે ઇંગ્લિશના ક્રેઝની સામે કોઈ નક્કર સોલ્યુશન પેશ કરે. રિલીઝનું ટાઇમિંગ પર્ફેક્ટ છે, ૧૨ મે. યાને કે વેકેશન.
એક્સાઇટમેન્ટ લેવલઃ વિથ ફેમિલી જોવા જેટલો અને (જો નક્કર મેસેજ આપતી હોય તો) ફિલ્મને ટેક્સ ફ્રી જાહેર કરવાની અપીલ કરવા જેટલો એક્સાઇટેડ.
Copyright © Jayesh Adhyaru. Please do not copy, reproduce this article without my permission. However, you are free to share this URL or the article with due credits.
Advertisements

Trailer Reactions-1

બાહુબલી-2: ધ કન્ક્લુઝન

ફાઇનલી, બાહુબલી રિટર્ન્સ. એસ. એસ. રાજમૌલિનું ગ્રૅન્ડ ઇમેજિનેશન, વિશાળ કૅન્વસ અને ફિલ્મની ઍનર્જી જોઇને ‘બાહુબલી-1’ જોયા પછી તરત જ મેં ભાખેલું કે આ ફિલ્મ ઐતિહાસિક બની રહેવાની છે. થયું પણ એવું જ. પાર્ટ-2માં એ જ ઍનર્જી ફીલ થઈ રહી છે (શિવગામી દેવી (રામ્યા ક્રિશ્નન) નાનકડા બાહુબલીને ઊંચકીને ‘મહેન્દ્ર બાહુબલી’ના નામની ગગનભેદી ત્રાડ પાડે ત્યારે તમને ગૂઝબમ્પ્સ આવે છે?!). જોકે ‘કટપ્પાએ બાહુબલીને શા માટે માર્યો’ તે જાણવાનું મને એટલું આકર્ષણ નથી, કેમ કે ઇન્દ્રાણીની જેમ કટપ્પા પણ માહિષ્મતિના સિંહાસનને વરેલો છે. જો શિવગામીદેવી-બિજ્જલદેવ ગાંધારી-ધૃતરાષ્ટ્ર થશે {અને ભલ્લાલ દેવ (રાણા દગુબત્તી) તો ઑલરેડી દુર્યોધનછાપ સત્તાલાલચુ છે જ}, તો ટ્રેલરમાં કહે છે તેમ અંતર્યુદ્ધ-સિવિલવૉર થશે અને સ્ટોરી વાયા લવ ટ્રાયેંગલ ‘મહાભારત’ના ખાનામાં જ જઇને પડશે. સ્પેશ્યલ ઇફેક્ટ્સ અગેઇન મને ‘અમર ચિત્રકથા’ જેવી જ લાગી રહી છે. પરંતુ બાહુબલી-2 વિશે ચાલી રહેલી ચર્ચાઓમાં એક થિયરી મને ગમી ગઈઃ ધારો કે અમરેન્દ્ર બાહુબલી જીવતો હોય તો? ‘બાહુબલી-1’નો રિવ્યુ વાંચવા માટે ક્લિક કરો અહીં.

એક્સપેક્ટેશન લેવલઃ યે ભી કોઈ પૂછને કી બાત હૈ?!

***

નામ શબાના

આપણે ભલે અત્યારે ‘માર્વેલ’, ‘DC’ ટાઇપના ‘સિનેમેટિક યુનિવર્સ’થી પરિચિત-પ્રભાવિત હોઇએ, પરંતુ દાયકાઓ અગાઉથી તારક મહેતાનું ‘ઉંધાં ચશ્માં’ અને વેદ પ્રકાશ શર્મા-સુરેન્દ્ર મોહન પાઠકનાં સુપર થ્રિલિંગ ‘યુનિવર્સ’ સર્જાઈ જ ચૂક્યાં છે. VPSનાં વિજય, વિકાસ, કેશવ પંડિત, વિભા જિંદલ અને SMPના વિમલ, સુનીલ, સુધીર વગેરેનું પણ આગવું કલ્ટ ફોલોઇંગ છે. આ પાત્રોનું એકબીજા સાથે કેવુંક કનેક્શન છે એ મને અત્યારના તબક્કે ખબર નથી (કેમ કે હું ધીમે ધીમે એમાં પગલાં પાડી રહ્યો છું), પણ ‘બૅબી’માં જબરદસ્ત કેમિયો કરનારી તાપસી પન્નુની પણ બૅકસ્ટોરી હોઈ શકે અને એમાં ‘બૅબી’ની ટીમનો કેમિયો હોય એ કન્સેપ્ટ જ થ્રિલિંગ છે. હમણાં જ એક ટ્રેલર એનાલિસીસમાં જોયું કે આમાં ‘સ્પેશ્યલ 26’નું પણ કનેક્શન હોઈ શકે છે (કેમ કે ‘નામ શબાના’માં મનોજ બાજપાઈ પણ છે). અલબત્ત, ‘બૅબી’નો ક્લાઇમેક્સ ‘આર્ગો’થી ક્લિયર્લી ઇન્સ્પાયર્ડ હતો, અને ‘સ્પેશ્યલ 26’નું એક થ્રિલિંગ વેદ પ્રકાશ શર્મા કનેક્શન મને ગઇકાલે રાત્રે જ જાણવા મળ્યું છે, છતાં ‘મિશન ઇમ્પોસિબલ’ ટાઇપની અને હિન્દી પલ્પ ફિક્શનના સિનેમેટિક વર્ઝન જેવી મુવી ફ્રેન્ચાઇઝ સર્જાય તે મોર ધેન વેલકમ છે. આવવા દ્યો તમતમારે! ‘બેબી’નો રિવ્યુ વાંચવા માટે ક્લિક કરો અહીં.

એક્સપેક્ટેશન લેવલઃ સુપર એક્સાઇટેડ!

***

ફિલ્લૌરી

સૌથી પહેલાં તો મને એ વિશ્વાસ નથી આવતો કે આમાં જેની પેડ કે સાથ શાદી થાય છે એ બફૂન યુવાન એ જ સુરજ શર્મા છે, જે ‘લાઇફ ઑફ પાઈ’માં રિચર્ડ પાર્કર સાથે એક જ નાનકડી હોડીમાં રહ્યો હતો! અનુષ્કાના હોમ પ્રોડક્શનની ‘મિર્ઝા-સાહિબાં’ ટાઇપ સ્ટારક્રોસ્ડ લવર્સની પ્રીડિક્ટેબલ સ્ટોરીમાં ભૂતિયો ઍન્ગલ નાખવા સિવાય ખાસ કોઈ કારીગરી મને આ ફિલ્મમાં દેખાઈ નથી રહી (એક તો આપણા બૉલિવૂડવાળાઓને સ્ટારક્રોસ્ડ લવર્સની એકની એક વાર્તાઓમાં આટલો બધો રસ શું કામ પડે છે એ જ સમાજાતું નથી!). ઝાડ સાથે લગ્નના સુપરસ્ટિશનની સામે ભટકતી આત્માના સુપરનેચરલ ઍલિમેન્ટનો છેદ પણ ઊડી જાય છે. અમુક ન્યુઝ રિપોર્ટ્સ પ્રમાણે ‘ફિલ્લૌરી’ પર એનિમેટેડ મુવી ‘કોર્પ્સ બ્રાઇડ’ની પણ અસર દેખાઈ રહી છે. અહીં ફિલ્મમાં વર્તમાનમાં દેખાતું કોમિક ઍલિમેન્ટ ગયા ભવના (એટલે કે અંગ્રેજોના જમાનાના) ફ્લૅશબૅકમાં ઊડી ન જાય તો સારું. દિલજિત દોસાંજને વધુ સારા રોલ મળવા જ જોઇએ. ફિલ્મમાં અનુષ્કાની સાથે TVFની નિધિ બિષ્ટ અને દિલજિતની સાથે (‘TVF પિચર્સ’નો ‘ભાટી’ અને ‘હ્યુમરસલી યોર્સ’નો ‘બુશી’) અભિષેક બૅનર્જી પણ દેખાઈ રહ્યો છે. ‘TVF’ની નવી વેબ સિરીઝ ‘બિષ્ટ પ્લીઝ’નાં તો ઠેકાણાં નથી, આ ફિલ્મમાં એમને જોઇને જ સંતોષ માનીએ બીજું શું?!

એક્સપેક્ટેશન લેવલઃ OK OK

***

બેગમ જાન

2015ના ‘IFFI’માં બંગાળી ડિરેક્ટર શ્રિજિત મુખર્જી પૂરી સ્ટારકાસ્ટ સાથે પોતાની લેટેસ્ટ ફિલ્મ ‘રાજકાહિની’ લઇને આવેલા. તેમાં ‘બેગમ જાન’ તરીકે રિતુપર્ણા સેનગુપ્તા, (‘કહાની’ના ‘બોબ બિશ્વાસ’ શાશ્વત ચૅટર્જી) જેવા ભરચક કલાકારો સાથેની આ ફિલ્મ પાર્ટિશન ડ્રામા હતી. અલબત્ત, બીજી ફિલ્મો સાથે ક્લૅશ થતું હોવાને કારણે અમે ‘રાજકાહિની’ નહોતાં જોઈ શક્યાં. પરંતુ તેમાં ભારત-પાકિસ્તાનના ભાગલા, પારાવાર હિંસા, તેની કારમી પીડા, ધર્મનું રાજકારણ અને સ્ત્રીઓનો એક ઉપભોગના સાધન માત્ર તરીકે થતો થતો ઉપયોગ વગેરે મુદ્દા કેન્દ્રમાં હતા. તેમાં બૉર્ડર પર સૂસૂ કરતા બાળકને બતાવીને પણ તમાચો મારવામાં આવેલો. ફિલ્મમાં આપણું રાષ્ટ્રગીત રવીન્દ્રનાથ ટાગોરના જે ‘ભારત ભાગ્ય વિધાતા’ની પહેલી કડીમાંથી લેવામાં આવ્યું છે, તેની બાકીની પંક્તિઓ વિવિધ ગાયકો પાસે ગવડાવવામાં આવેલી. હવે તેની હિન્દી રિમેક ‘બેગમ જાન’માં આ ઘટનાઓ-પીડાને બદલે વિદ્યા બાલનનું પાત્ર કેન્દ્રમાં આવી ગયેલું દેખાય છે. ગંદા યુનિબ્રો અને તદ્દન ફૅક લાગતા બ્લ્યુ કોન્ટેક્ટ લૅન્સની પણ શી જરૂર હતી? રિતુપર્ણાનો લુક રિક્રિએટ કરવા? અને આટલા બધા બિલો ધ બૅલ્ટ ડાયલોગ્સની પણ શી જરૂર હતી? અહીં નૅચરલી બંગાળને બદલે પંજાબ બાજુની પૃષ્ઠભૂ આવી ગઈ છે, એટલે પંજાબીપણું પણ ઑવરફ્લો થાય છે. સૌથી ઍક્સાઇટિંગ બાબત, ચંકી પાન્ડેનો ખતરનાક બૉલ્ડ લુક!

એક્સપેક્ટેશન લેવલઃ હું બંગાળી ફિલ્મ પ્રિફર કરીશ.

***

સરકાર-૩

રામ ગોપાલ વર્માએ પોતાના બ્લોગ (અને બુક ‘ગન્સ એન્ડ થાઇસ’)માં લખ્યું છેઃ ‘હું સિનિયર ઇન્ટરમાં હતો ત્યારે પાના નંબર 26 પર રહેલો એક સેક્સ સીન વાંચવા માટે મારા એક મિત્રે મનો ‘ધ ગોડફાધર’ નામની બુક વાંચવા આપેલી. એ પુસ્તકનો મારા પર એવો જબરદસ્ત પ્રભાવ પડ્યો કે મેં બૅક ટુ બૅક 3-4 વખત વાંચી નાખી. ‘શિવા’ અને ‘સત્યા’માં મેં એ બુકમાંથી પ્રેરણા લીધી પણ ખરી. પછી 1999માં પહેલીવાર મને તેનું અડેપ્ટેશન બનાવવાનો વિચાર આવ્યો. મિ. બચ્ચનને મળ્યા પછી… તેના ભારતીયકરણમાં વિતો કોર્લિઓનના રોલમાં મને દેખાયા બાળાસાહેબ ઠાકરે…’ (‘સરકાર’ વિશેની રામુની આખી પોસ્ટ વાંચવા માટે ક્લિક કરો અહીં.)

સરકાર-૩નું ટ્રેલર આમ તો તેની ઇમ્પ્રેસિવ સ્ટારકાસ્ટનો પરિચય અને સ્ટોરી કઈ દિશામાં આગળ વધી રહી છે તે જ જણાવે છે. બંને દીકરા (વિષ્ણુ અને શંકર)નાં મોત પછી સરકાર એકલા છે, પણ પબ્લિક સપોર્ટ અને જુસ્સો ઓસર્યો નથી. નવા મિત્રો અને ખાસ તો નવા દુશ્મનો પણ બની ગયા છે. મફલરવાળા મનોજ બાજપાઈ અને જૅકી શ્રોફનું નામ ‘વાલ્યા’ રામુની નવી સળી છે. સ્ટારકાસ્ટ ઇમ્પ્રેસિવ છે એટલે જોવાની મજા પડશે, પણ આખી ફિલ્મ ‘સરકાર કો મારને સે પહલે ઉસકી સોચ કો મારના ઝરૂરી હૈ’ની લાઇન પર જ આગળ વધશે. ભયંકર ઘોંઘાટિયું બૅકગ્રાઉન્ડ મ્યુઝિક, મૅનિયાક જેવાં લુક્સ ઍક્સચેન્જ, ઇરિટેટિંગ કેમેરા ઍન્ગલ્સ અને ‘ક્રાઇમ નેવર પેય્ઝ’ને જસ્ટિફાય કરતું સરકારની કોઈ નજીકની વ્યક્તિનું મૃત્યુ, આટલી વાતો રિપીટ થશે એવું દેખાઈ રહ્યું છે.

એક્સપેક્ટેશન લેવલઃ ઑન્લી ફોર બિગ બી!

***

જગ્ગા જાસૂસ

અનુરાગ બાસુની ફિલ્મો વિશે વાત કરતાં પહેલાં તમને વર્લ્ડ સિનેમાનું જબરું જ્ઞાન હોવું જોઇએ. ના, એની ફિલ્મો વર્લ્ડ ક્લાસ હોય છે એટલે નહીં, બલકે એમાં જાતભાતની ફિલ્મોમાંથી એટલી બધી ઉઠાંતરી, સોરી, ‘હોમાજ’ (અંજલિ) હોય છે કે એ ખ્યાલ ન હોય તો ઇમ્પ્રેસ થઈ જવાનું જોખમ રહે! એ જોતાં ‘બરફી’ એક ફિલ્મને બદલે કમ્પાઇલેશન વધારે હતી. હવે અગેઇન રણબીર કપૂર-કૅટરિના સ્ટારર ‘જગ્ગા જાસૂસ’નું ટ્રેલર બહાર પડી ગયાને મહિનાઓ થયા, પરંતુ એમાં લગભગ કંઈ જ ટપ્પી નથી પડી રહી. અગાઉ ‘રોય’ની જેમ મને લાગેલું કે અહીં પણ રણબીર-કૅટરિના અલગ અલગ સ્થળોએ જે ધમાલ બોલાવે છે તે રણબીરના મનની કલ્પના હશે. તેની પાછળનું લોજિક એ હતું કે દાર્જિલિંગની બૉર્ડિંગ સ્કૂલમાં એકલો રહેતો રણબીર સ્ટેમરિંગ એટલે કે જીભ અચકાવાની તકલીફથી પીડાય છે અને એટલે જ અંતર્મુખી છે. આવા લોકો પોતાનું કલ્પનાનું એક જગત સર્જતા હોય છે.

પરંતુ ‘વિકિપીડિયા’ વાંચતાં ખબર પડી કે ‘જગ્ગા જાસૂસ’માં રણબીર કૅટરિના સાથે વર્ષો પહેલાં પોતાને મૂકીને ક્યાંક જતા રહેલા પિતા (શાશ્વત) ચૅટર્જીને શોધવા નીકળે છે. ઑલરેડી વાતો આવી ગઈ છે કે આ ફિલ્મ જિમ કેરીની ‘એસ વેન્ચુરા’થી ઇન્સ્પાયર્ડ છે. ફિલ્મમાં ૨૯ ગીતો છે અને વિકિપીડિયા કહે છે કે રણબીર પોતાના ડાયલોગ્સ પણ ગીત ગાતાં ગાતાં બોલશે. ન્યુઝ રિપોર્ટ્સ કહે છે કે આ કન્સેપ્ટ મૂળ BBCની સિરિઝ અને ત્યારબાદ રૉબર્ટ ડાઉની જુનિયરને લઇને બનેલી ‘ધ સિંગિંગ ડિટેક્ટિવ’ ફિલ્મમાંથી લઈ લેવામાં આવ્યો છે. એટલે જ ટ્રેલરના સ્ટાર્ટિંગમાં રણબીર મોંએથી મ્યુઝિક વગાડતો દેખાય છે. પ્રીતમે ક્યાંથી શું ઉઠાવ્યું છે તે તો મ્યુઝિક રિલિઝ થશે પછી જ ખબર પડશે! રણબીરની દરિયાના મોજા જેવી એલ્વિસ પ્રેસ્લી સ્ટાઇલની હેરસ્ટાઇલમાં ‘ટિનટિન’ દેખાય છે. ઇન ફૅક્ટ, આ કલરફુલ ટ્રેલરની અમુક સિક્વન્સ પણ સ્પીલબર્ગની એનિમેટેડ મુવી ‘ધ ઍડવેન્ચર્સ ઑફ ટિનટિન’ જેવી જ છે (મને તો હિચકોકની ‘નૉર્થ બાય નૉર્થવેસ્ટ’નો ક્લાઇમેક્સ પણ યાદ આવી ગયો). આ ઉપરાંત ડિઝનીની જ ‘માડાગાસ્કર’, લિફ્ટ માગવાનો સીન જૂની ‘ઇટ હેપ્પન્ડ વન નાઇટ’ (અને આપણી ‘દિલ હૈ કિ માનતા નહીં’), નાનકડા મોપેડમાં જવાનો સીન ‘મિસ્ટર બીન્સ હોલિડે’, ક્લોકટાવરની અંદરનો સીન ‘હ્યુગો’, ટ્રેનની અંદરના ચિત્તાના ડબામાં જતા રહેવાના સીન ‘ઇન્ડિયાના જોન્સ’ અને બસ્ટર કીટનની સાઇલન્ટ કોમેડી ‘ધ જનરલ’, બેહોશ પિતાને પૈડાંવાળા પાટિયા પર ખેંચવાનો શોટ ‘ગુલિવર્સ ટ્રાવેલ્સ’ તથા હોસ્ટેલના સીન અનુરાગની જ ‘બરફી’ વગેરેની યાદ અપાવે છે. લેટ્સ સી…

એક્પેક્ટેશન લેવલઃ પર્સનલ હૉલિડે સે પહલે હૉલિડેવાલી મુવી દેખેંગે!

***

કાટ્રુ વેલિયિદાઈ

પહેલાં તો આ તમિળ ફિલ્મના નામનો સાચો ઉચ્ચાર શીખવો પડશે! ‘કાટ્રુ વેલિયિદાઈ’ એટલે હવાદાર વિશાળ ખુલ્લો વિસ્તાર. ‘ધ મણિ રત્નમ’ની નવી ફિલ્મ છે. રિલીઝ થયેલાં બંને ટ્રેલર ધ્યાનથી જોતાં કંઇક એવું સમજાય છે કે હીરો કાર્તિ (સૂર્યાનો નાનો ભાઈ. સૂર્યાએ મણિ રત્નમની જ ‘યુવા’ના ઑરિજિનલ તમિળ વર્ઝન ‘આયુધા એઝુથુ’માં અજય દેવગણવાળો રોલ કરેલો) ઇન્ડિયન ઍરફોર્સમાં ફાઇટર પાઇલટ છે અને સ્ક્વૉડ્રન લીડરના પદે છે (કેમ કે એનો વિન્ટર મેસ અને ફ્લાઇંગ યુનિફોર્મમાં નાનામાં નાની ડિટેઇલનું ધ્યાન રખાયું છે). ભાઈ એકદમ અપરાઇટ અને અક્ષય કુમાર કરતાં પણ વધારે દેશભક્ત છે. પ્રેમિકા મજાકમાં પણ પોતાના યુનિફોર્મની કૅપ પહેરે તો એનેય સૌની સામે હાકલી નાખે છે. કાશ્મીર સરહદે ‘સુખોઈ-૩૦’ વિમાન ઉડાડતાં એને ઈજેક્ટ કરવાની ફરજ પડે છે અને મોસ્ટ્લી LOCમાં ફસાઈ જાય છે. જ્યાં પાકિસ્તાની જેલમાં એને સખત ટૉર્ચર કરાય છે, છતાં ત્યાં પુરાયેલા અન્ય ભારતીય કેદીઓ સાથે તે ત્યાંથી ભાગી છૂટે છે… ટૂંકમાં ‘રોજા’ની રિમેક જેવું લાગી રહ્યું છે. મણિસરની ફિલ્મ છે એટલે હિરોઇન અદિતી રાવ હૈદરી ઓર સુંદર લાગી રહી છે. એ. આર. રહેમાનનું મ્યુઝિક ‘ઓ.કે. કન્મની’ જેટલું તો ગ્રેટ નથી, પણ ધીમે ધીમે અસર કરે તેવું છે. ફિલ્મ ૭ એપ્રિલે આવી રહી છે. ‘ઓ.કે. કન્મની’ની જેમ આનું પણ હિન્દી ડબ્ડ વર્ઝન નહીં આવે તેવું લાગે છે.

એક્સપેક્ટેશન લેવલઃ મણિ રત્નમની ફિલ્મ છે, એટલે અફ કોર્સ!

***

નૂર

પહેલી નજરે જ આ ફિલ્મ ફર્સ્ટ પર્સનમાં લખાયેલી રોમ-કોમ ચિક-લિટ નોવેલના ફિલ્મ વર્ઝન જેવી લાગી હતી. આવી બુક્સ પરથી બનેલી ફિલ્મો ‘રોમેડી નાઉ’ ચેનલ પર આવતી હોય છે. આપણા અલ્ટ્રા દેશભક્તોને રસ પડે તેવી વાત એ છે કે ‘નૂર’ યંગ પાકિસ્તાની લેખિકા સબા ઇમ્તિઆઝની ‘કરાચી, યુ આર કિલિંગ મી!’નું ઑફિશ્યલ સ્ક્રીન અડેપ્ટેશન છે. એટલે જ ફિલ્મની ટૅગલાઇન પણ ‘મુંબઈ, યુ આર કિલિંગ મી’ રખાઈ છે. ફિલ્મનું પોસ્ટર ન્યુઝ મેગેઝિનના લેઆઉટ જેવું બનાવાયું છે, જેના પરથી અનુમાન કરી શકાય કે સોનાક્ષી મેગેઝિનની એટલે કે પ્રિન્ટની રિપોર્ટર હશે (અત્યારની જનરેશનને કદાચ થશે કે, ‘હેં? પ્રિન્ટના પણ રિપોર્ટર-જર્નલિસ્ટ હોય? રિપોર્ટર તો ખાલી ચેનલમાં જ ન હોય?!’). નૂર સેલ્ફ પ્રોક્લેઇમ્ડ ‘જોકર જર્નલિસ્ટ’ છે. ‘રોમેડી નાઉ’ની ફિલ્મોમાં પણ ક્લિશે લાગે તેવી ગૂફી છે, બધા સાથે અથડાતી રહે છે. એમ. કે. રૈના જેવા એના કૂલ પાપા છે. ઇન્ટરનેટ સેન્સેશન સ્ટેન્ડઅપ કોમેડિયન કાનન ગિલ એનો દોસ્તાર છે. ‘ઍપલ’નું મેકબુક વાપરે એવી એની જોબ છે, છતાં એ પોતાની લાઇફને ધિક્કારે છે. એક જ સૅકન્ડમાં એ પોતાનો લુક-પર્સનાલિટી ચૅન્જ કરી નાખે છે અને હિપહોપ પાર્ટીગર્લ બની જાય છે (હેરસ્ટાઇલ, કપડાં, મૅકઅપ ચેન્જ, ચશ્માંનો ઘા. રાતોરાત ડાન્સ મુવ્ઝ આવડી જાય છે.). એ સાથે જ એને ઇટર્નલ યંગ એવો પુરબ કોહલી બૉયફ્રેન્ડ તરીકે મળી જાય છે (ઑબ્વિયસલી, ‘બહેનજી ટાઇપ’ જર્નલિસ્ટોને કંઈ બૉયફ્રેન્ડ થોડા મળતા હશે, રાઇટ?!). અને શિટ, વધુ એક એવરગ્રીન ગીત (‘ગુલાબી આંખે જો તેરી દેખી’)નું પાર્ટી રિમિક્સ? બૉલિવૂડ, યુ આર કિલિંગ મી! ત્યાં જ એના હાથમાં એક વીડિયો આવે છે, જેમાં કોઇકના લાઇફ એન્ડ ડૅથનો મામલો હોય છે. બસ, નૂરની લાઇફ ચેન્જ કરી નાખે એવું મિશન સ્ટાર્ટ અને ફિલ્મ ક્લાઇમૅક્સ તરફ આગળ વધે છે. કદાચ તે કામવાળી પર પહોંચેલા માલિક દ્વારા બળાત્કારની કોશિશ અથવા હ્યુમન ટ્રાફિકિંગ જેવો કોઈ મામલો હોઈ શકે. પહેલી શક્યતા વધારે પ્રબળ લાગે છે. સની લિયોનીનું ઇન્ટરવ્યૂ સ્વરૂપે ગેસ્ટ અપિયરન્સ પણ છે, જેમાં તે સ્ત્રીઓની ડિગ્નિટી વિશે પ્રવચન આપશે તેવું લાગી રહ્યું છે. ખેર, 21 એપ્રિલે ખબર પડી જશે.

એક્સપેક્ટેશન લેવલઃ કોઈ એક્સપેક્ટેશન્સ વગર જોવા જેવી ઠીકઠાક મુવી લાગી રહી છે.

Copyright © Jayesh Adhyaru. Please do not copy, reproduce this article without my permission. However, you are free to share this URL or the article with due credits

Aditya Chopra: From DDLJ to Befikre

DDLJ મારી લાઇફની પહેલી એવી ફિલ્મ હતી જે મેં ટૉકિઝમાં બે વખત જોઈ હોય. હું હતો તેર વર્ષનો. નાઇન્ટીઝના કોઇપણ ટીનએજરની જેમ હું પણ ઘાયલ હતો રાજ-સિમરનની લવસ્ટોરીથી. લાઇક એવરી ટીનએજર ઑફ ધેટ ટાઇમ, આપણનેય અંદરખાને એવી ફીલિંગ કે આપણે રાજ મલ્હોત્રા જેવા દિલફેંક, ડૅશિંગ ન હોઇએ તો કંઈ નહીં, પણ એક સિમરન તો હોવી જ જોઇએ લાઇફમાં, ક્યું સૅનોરિટા?!

 

81sdhlyn1cl

‘મરાઠા મંદિર’માં DDLJ જેટલી ચાલી છે, મારા પર આ ફિલ્મનો ખુમાર પણ એટલો જ રહ્યો છે. પરંતુ અત્યારે વાત મારી નહીં, આદિત્ય ચોપરાની કરવી છે. વરસમાં નહીં, દાયકામાં પણ માંડ એકાદી ફિલ્મ લઇને આવતો આ યશપુત્ર ‘ઇન્વિઝબલ’ ચોપરા પોતાની માંડ ચોથી ફિલ્મ લઇને આવતો હોય ત્યારે એકાદું આસોપાલવનું તોરણિયું બાંધવું તો બનતા હૈ, બૉસ! એટલે મેં કબાટ ખોલીને એમાંથી કાઢી આ દિવાળીની ખરીદી એવી બુક ‘આદિત્ય ચોપરા રિલિવ્સ… દિલવાલે દુલ્હનિયાં લે જાયેંગે.’ મસ્ત બાઇન્ડિંગ, સુપર્બ બિહાઇન્ડ ધ સીન ફોટોગ્રાફ્સ અને નસરીન મુન્ની કબીરને ‘આદિ’એ કહેલી DDLJના મૅકિંગ પાછળની સુપર ઇન્ટરેસ્ટિંગ દાસ્તાન. હિન્દી સિનેમા અને DDLJના ચાહક પાસે હોવી જ જોઇએ એવી આ બુકની છાપેલી કિંમત તો અંકે રૂપિયા 2 હજાર છે. લેકિન ‘એમેઝોન’ના દિવાળી સેલમાં અપુન કો મિલી 99 રુપીઝ વૉન્લી મેં! હજીયે ખરીદવી હોય તો જસ્ટ 200 રૂપિયામાં અવેલેબલ છે. ઍની વે…

 

NRI ઑડિયન્સને ધ્યાનમાં રાખીને બનેલી આ પહેલી હિન્દી ફિલ્મને આપણે ભલે ‘DDLJ’ કહેતા હોઇએ, પણ આદિત્ય ચોપરા એને ‘દિલવાલે’ કહે છે. એનો ઑરિજિનલ આઇડિયા હતો ટૉમ ક્રૂઝ અને કાજોલને લઇને એક ઇંગ્લિશ ફિલ્મ બનાવવાનો! પછી ટૉમ ક્રૂઝના ભારતીય વર્ઝન જેવા હીરોને લઇને ફિલ્મ બનાવવાનો આઇડિયા એણે પાપા યશ ચોપરાને સંભળાવ્યો ત્યારે એણે એવી લાઇન કહી, ‘તુમ્હેં યહાં સે લે જાઉંગા તભી, જબ તુમ્હારે બાઉજી ખુદ તુમ્હારા હાથ મેરે હાથ મેં દેંગે.’ એ વખતે આદિત્ય ચોપરાના દિમાગમાં બત્તી થઈ કે એને એક નવા જ પ્રકારની હિન્દી ફિલ્મનો આઇડિયા સૂઝ્યો છે. એવી સ્ટોરી જે નવી અને જૂની પેઢીને જોડતો પૂલ છે. અહીં સ્ટાર ક્રોસ્ડ લવર્સ છે, પણ ‘એક દુજે કે લિયે’ કે ‘કયામત સે કયામત તક’ જેવો બળવો નથી કરવાનો, બલકે લડકી કે બાઉજીને મનાવીને દુલ્હન કા હાથ અપને હાથ મેં દે તેની રાહ જોવાની છે.

befikre-poster-4ફાઇન. DDLJ ફિલ્મ હતી જેનાં હીરો-હિરોઇન લંડનમાં મોટાં થયાં હોય, તોય વો જાનતે થે કિ ‘એક હિન્દુસ્તાની લડકી કી ઇઝ્ઝત ક્યા હોતી હૈ!’ ગ્લોબલાઇઝેશનના સ્ટાર્ટિંગના સમયમાં આવી હોવા છતાં આ લાઇન અને અત્યારે એ જ આદિ ચોપરાએ પકડેલી લાઇન ખાસ્સી ઇન્ટરેસ્ટિંગ છે. એ વખતે લડકી ક્યારેય શરાબને હાથ નહોતી લગાડતી. લડકા-લડકી એક કમરે મેં રાત ગુઝારે તોય નો સૅક્સ. કમ્પ્લિટલી ફરબિડન ફ્રૂટ. હીરો પોતાની છાતી પર લિપસ્ટિકનાં નિશાન બનાવીને ચીડવે તોય હિરોઇન રડી પડે! એ જ આદિ ચોપરા હવે ‘બેફિકરે’માં એના કહેવા પ્રમાણે અગાઉનું બધું અનલર્ન કરીને પોતાના કમ્ફર્ટ ઝોનની બહાર નીકળી રહ્યો છે. આજે એનાં હીરો-હિરોઇન ‘નૅવર સૅ આઈ લવ યુ’ની વાત કરતાં દેખાય છે. અને આઈ લવ યુ? યક્! આખા ટ્રેલરમાં બંને એટલાં બધાં સેક્સ્યુઅલી ચાર્જ્ડ દેખાય છે કે ફિલ્મનું નામ ‘Befikre’ને બદલે ‘Be-fuckre’ હોવું જોઇતું હતું! ઇવન અત્યારે તો આખી ફિલ્મ મને ‘ટ્રૂથ ઑર ડૅર’ના એક્સ રેટેડ વર્ઝન જેવી લાગી રહી છે. જેમાં હીરો-હિરોઇન બંને એકબીજાને ભળતી જ વસ્તુ ડૅર કર્યા કરે. આઈ ડૅર યુ, પોલીસને થપ્પડ મારી આવ, આઈ ડૅર યુ પ્લૅબૉયનો જાંગિયો પહેરીને પાર્ટીમાં કૅટવૉક કરી બતાવ, આઈ ડૅર યુ પબ્લિક લાઇબ્રેરીમાં સ્ટ્રિપટિઝ કરી બતાવ, આઈ ડૅર યુ કોઈ સ્ટેજ શૉમાં ઘૂસ મારીને ડાન્સ કરી આવ, આઈ ડૅર યુ ઉત્તેજક પૉલ ડાન્સ કરી બતાવ, આઈ ડૅર યુ ફાઇવ સ્ટાર હૉટેલમાં ઘૂસ મારીને ડિંગડોંગ કરીએ તો?, આઈ ડૅર યુ, અભી ઇસી વક્ત ઇસી જગહ… આઈ ડૅર યુ ટુ કિસ ઍનીવ્હેર પોસિબલ અન્ડર ધ સ્કાય…!

જે યશરાજ ફિલ્મ્સ પ્રેમના ઢાઈ અક્ષરના પાયા પર ઊભું છે એનો મેઇન કર્તા હર્તા અત્યારે પોતાનાં લીડ પાત્રો દ્વારા એવું બોલાવડાવે છે કે આપણે ક્યારેય આઈ લવ યુ બોલવાનું નથી. પરંતુ મેં જોયું છે કે ગમે તેટલી રિવોલ્યુશનરી વાતો કરે, લીડ કેરેક્ટર્સ ગમે તેટલાં કમિટમેન્ટ ફોબિક હોય, પણ અલ્ટિમેટલી તો સ્ટોરી ટ્રેડિશનલ ખાનામાં જ જઇને પડે છે. પછી એ ફરહાનની ‘દિલ ચાહતા હૈ’ હોય, સિદ્ધાર્થ આનંદની ‘સલામ નમસ્તે’ હોય, ઝોયાની ‘ZNMD’ હોય, ઇમ્તિઆઝની ‘લવ આજકલ’ હોય કે અયાનની ‘YJHD’ હોય. ઇવન મણિ રત્નમે પણ ‘ઓ કાધલ કન્મની’માં નવી પેઢીના રોમાન્સ-કમિટમેન્ટ પર ફોકસ કર્યું અને છેવટે તો એવું જ સાબિત કર્યું કે યંગસ્ટર્સ ગમે તેટલાં આધુનિક થાય અલ્ટિમેટલી તો ટ્રેડિશનલ પાથ જ પકડે છે. ટૂંકમાં, ‘મોહબ્બત કા નામ આજ ભી મોહબ્બત હૈ!’ રિમેમ્બર, DDLJનો રાજ પણ ખાલી વાતો ‘મુઝે તો આજ તક યે સમઝ નહીં આયા કિ લોગ એક હી લડકી કે સાથ પૂરી ઝિંદગી કૈસે ગુઝાર લેતે હૈ? દુનિયા મેં ઇતની સુંદર સુંદર લડકિયાં હૈ, કિસી કી આંખે અચ્છી, કિસી કે હોઠ અચ્છે…’ની કરતો, ‘લવ-શવ મેરે બસ કી બાત નહીં હૈ’ એવું એ ખાલી બોલતો, પણ હતો પૂરેપૂરો રોમેન્ટિક, લવમાં ફૉલ થવા એકદમ રૅડી! હવે એ જ આદિત્ય ચોપરાનો હીરો કે પછી ઍમ્પાવર્ડ હિરોઇન કયો રસ્તો પકડે છે એ જોવાનું રહે. બની શકે કે એનાં પાત્રો ક્લાઇમૅક્સમાં એકબીજાને એવું કહી શકે કે, ‘આઈ ડૅર યુ ટુ મૅરી મી!’

નવા મિલેનિયમમાં સમજણી થયેલી જનરેશનને ‘DDLJ’નો યુફોરિયા કદાચ નહીં સમજાય. ક્યારેક તો એવુંય થાય કે બિચ્ચારાઓ ઑરિજિનલ DDLJને બદલે ‘હમ્પ્ટી શર્મા’ જેવી એની Nth રિમેક જોઇને જ મોટાં થયાં છે.  પણ બેફિકરેથી મને જે બીક છે તે એ છે કે આ નવી જનરેશનને વ્હાલા થવા માટે આદિ પોતાની જ એ ફિલ્મો-ફિલોસોફીની મજાક ન ઉડાવે. જેવું એણે ટ્રેલરમાં છેલ્લે ‘પલટ’વાળો સીન ઉમેરીને કર્યું છે કે, ‘પલટને કા ઇન્તેઝાર તો નાઇન્ટીઝ મેં કિયા કરતે થે, આઇ વૉઝ જસ્ટ ચૅકિંગ આઉટ હિઝ એસ!’ તમે મને ઑલ્ડી કહી શકો, પણ શાહરુખના એ ‘પલટ’માં જે કશિશ હતી, જે રોમાન્સ હતો અને સિમરન પલટીને રાજ સામે સ્માઇલ કરે ત્યારે જે ઉન્માદ હતો, એ ‘કોઈ હન્કની એસને ચૅક આઉટ’ કરવામાં નથી.

બાય ધ વે, આદિત્ય ચોપરાને DDLJમાં એ ‘પલટ’વાળો સીન મૂકવાનો આઇડિયા ક્લિન્ટ ઇસ્ટવૂડની ૧૯૯૩માં આવેલી ફિલ્મ ‘ઇન ધ લાઇન ઑફ ફાયર’ના એક સીન પરથી આવેલો. ઇસ્ટવૂડ અને રૅની રુસ્સો લિંકન મેમોરિયલનાં પગથિયે બેઠાં બેઠાં આઇસક્રીમ ખાઈ રહ્યાં છે. રૅની આઇસક્રીમ માટે થેન્ક્સ કહીને પોતાની એક ડૅટ માટે ચાલી નીકળે છે. એને જતી જોઇને ઇસ્ટવૂડ (જે ત્યારે 63 વર્ષના હતા) ચમચી આઇસક્રીમ મોંમાં મૂકતાં કહે છે, ‘ઇફ શી લુક્સ બૅક, ધેટ મીન્સ શી ઇઝ ઇન્ટરેસ્ટેડ’. વેલ, તમે કલ્પના કરી શકો છો કે પેલીએ પાછા વળીને જોયું હશે કે નહીં! એટલું કહી શકું કે ઇસ્ટવૂડના ચહેરા પર પણ શાહરુખ જેવું જ સ્માઇલ હતું!

***

DDLJ માટે આદિત્ય ચોપરાએ કૅચલાઇન લખેલી, ‘કમ… ફૉલ ઇન લવ.’ હવે આજે એ જ આદિત્ય ચોપરાની ફિલ્મની કૅચલાઇન છે, ‘ધોઝ હુ ડૅર ટુ લવ.’ બે દાયકામાં આટલો ફેર પડ્યો છે. ત્યારે પ્રેમમાં પડવું એક સેલિબ્રેશન હતું. રાજ-સિમરનની સાથે આપણે પણ પ્રેમમાં પડતા હતા. અત્યારે ધરમ-શાયરાને પ્રેમમાં પડવાની હિંમત કરવી પડે છે. તો એક્ચ્યુઅલી, આપણે આગળ ગયા કે પાછળ?! વેલ, આવતીકાલે ‘બેફિકરે’ જોયા પછી ખબર!

PS. 1 DDLJમાં શાહરુખ-કાજોલનો ‘પલટ’વાળો સીન:

PS. 2 આદિત્ય ચોપરાને એ સીનની પ્રેરણા જ્યાંથી મળી તે ક્લિન્ટ ઇસ્ટવૂડ સ્ટારર ફિલ્મ ‘ઇન ધ લાઇન ઑફ ફાયર’નો સીનઃ

Copyright © Jayesh Adhyaru. Please do not copy, reproduce this article without my permission. However, you are free to share this URL or the article with due credits.